DG OR D&G?

早前反Dolce & Gabbana既熱潮，我既憤怒又覺得可笑。



憤怒既系，你地冇做過Sales，唔明做Sales既難處。
當然那位Sales姐姐絕對有錯，而且尖沙咀Dolce & Gabbana既態度的確很差！
但係當你地去圍人地鋪頭，去掟溪錢，我真係覺得好討厭。
第一，Sales們同你地人樣系打公仔，唔係大富豪，你地禁樣圍一日分分月冇左幾十萬生意，Sales份人工完全係睇生意額，條數唔夠就系唔夠，冇生意人工就會少，你地有冇諗過呢樣野？
第二，你抗議還抗議，圍鋪都算，你走去掟溪錢？！一朝早返工叫人去執溪錢，大吉利是咩！的確Dolce & Gabbana呢次係唔啱，但系抗議都要理智Ｄ！

而可笑既系，當你地大叫圍D&G，但系你地圍緊個間系DG。
D&G其實係Dolce & Gabbana既年青副線，Dolce & Gabbana既簡稱系DG，冇&嫁！

　

Dolce & Gabbana行既系成熟典雅既路線，服飾比較正統。

而D&G系走年青人既路線，比較Colorful，有玩味d，之前就曾經聯同Disney出過系列。D&G雖然系Dolce & Gabbana既副線，但系營業額一直都比主線高，更加受歡迎，難怪，主線既設計實在太過成熟，對於年青人既吸引力的確低。亦因為禁，系2011/2012 ss既D&G Fashion Show上，正式宣佈將D&G摺埋，直頭學Chanel禁一線走天涯。

你問我？即管放長雙眼睇下點，只不過就佢最新個Collection黎睇，主線想吸納埋副線班客既話，有點兒難道。