Girls Run The World.: Dress it up.♥

無論春夏秋冬，連身裙都會出現於各大品牌的Collection之中。
一線品牌的SS 2012系列，如Miu Miu的格子裙：

LANVIN的招牌飄逸長裙：

以至平價品牌H&M：

連身裙仍然是主打款式。

連身裙系女人既專屬產物。即使近年有好多設計師如Marc Jacobs等大力吹捧男生著裙，仍然未成氣候。
Eason Chan就曾經唱過：

讓那 飄呀飄呀的裙
可愛的女人 賜予你我刺激與震撼
讓那 擺呀擺呀的裙
凡士氣下沉 賜我理由再披甲上陣
為那 轉呀轉呀的裙
死 我都慶幸
為每個婀娜的化身 每襲裙
窮一生 作侍臣

裙下之臣。裙就係女人的象徵，著上一條靚既連身裙，絕對為女士們加分。
對於不太擅於服裝配搭的女士，更加係恩物，一條裙再配上耳環，頸錬，一個Look就完成。
不過選擇一條合身的連身裙都有學問，首先就係要了解自己身型，盡可能要隱惡揚善。
其次要了解自己穿衣的風格，始終時裝呢樣野，唔襯你就係唔襯你。

連身裙有好多種：

X形 - 即系中間束腰的款式，一般線條比較柔和。中間收腰的設計可以顯出腰線，同時上下比較闊鬆，有助修飾比較在意的部位。據聞這類型設計最受男士歡迎。

貼身形 - 最能顯示出身材的一款，由於完全顯現曲線，感覺比較性感。但因為比較貼身，因此亦最容易暴露身材上的缺點。大部份的貼身裙都偏向短裙設計，但近幾季各品牌紛紛推出pencil skirt同貼身長裙，更顯女人味。

上窄下闊形 - 上身作貼身剪裁，而下身以傘裙設計，帶有甜美的氣息。這種剪裁帶有一種千金小姐的氣息，為著名時裝Blogger Alexa Chung既最愛。

A字線條 - 娃娃裝，輕盈飄逸的設計，從連衣裙上部就開始寬鬆、擴展，都有從人體胸部以下擴展。不過基本上完全不顯身材。

恤衫款 - 基本上類似一件加長的恤衫，除非是迷你長度，否則建議配搭腰帶以顯身材。

我個人最喜歡X形，貼身形和上窄下闊形，因為比較有女人味而且顯身材。
除非你係平胸，如果唔系我都唔建議著A字線條，因為成個人好似漲左禁。

如果真係好似牙SA禁無身材可言，反而應該著設計上比較特別或者多花邊設計的款式，可以轉移視線。
若果要同心儀男士食飯，我就提議著上窄下闊形，而且可似選大熱的LACE設計。透視和蕃絲設計絕對是必殺，而且下闊唔怕食完飯有小肚腩。

另一方面都要留意裙長，長裙款式一般比較女人同成熟。
如果個人風格比較青春又想試下著長裙，可以選擇碎花或者色彩比較鮮艷，而質料偏向棉質的款式。
而上窄下闊形同ｘ形就不宜太短，因為容易走光而且裙擺太短，飄逸的感覺會下跌，貼美感都會大減。

我選擇左我幾條最鍾意既連身裙同大家分享下。因為我個人偏向女人的路線，所以我既連身裙都偏向成熟。